Utemuratov Furxat Yusupovich haqida

1965-jılı 18-sentyabrde tuwılǵan. 1980-jılı orta mektepten soń kásip-texnikalıq uchilishesine oqıwǵa kirdi. 1983-85-jılları áskeriy xızmette boldı. Uchilishe hám áskeriy bólimde Vokal-estrada ansamblinde oynadı.  Xoreografiyalıq kompoziciyalarda qatnastı. 1986-1989-jılları mádeniy-aǵartıw texnikumınıń rejissyorlıq bólimin oqıp pitkerdi. 1990-95-jılları Berdaq atındaǵı Qaraqalpaq mámleketlik universitetiniń jurnalistika kafedrasında bilim aldı. 1995-1998-jılları universitettiń Ádebiyat teoriyası hám zamanagóy qaraqalpaq ádebiyatı kafedrasında aspiranturanı oqıp pitkerdi. 2007-2012-jılları Xojeli rayonı mádeniyat bóliminde xalıq teatrı rejissyorı bolıp isledi. 2012-jıldan usı kúnge shekem 5-sanlı BMKÓMniń teatr bóliminde oqıtıwshı lawazımında islep kelmekte.

Utemuratov Furxat Yusupovich 1991-2012-jıllarda bir qansha joybarlardı ámelge asırdı. Olardan: Ulıwmaxalıqlıq Nawrız, Ǵárezsizlik bayram ilajlarınıń scenariya avtorı hám rejissyorı, “Bir úyde eki ómir”, “Baxıtlı kúnler”, “Erksizler” hám “Doslıqqa aylanǵan Muhabbat” atamasındaǵı spektakllerdiń rejissyorı.

2021-jılı “Shuhrat” medalı, 2025-jılı “Watan pidayısı” kókirek belgisi menen sıylıqlandı. Ózbekstan hám Qaraqalpaqstan Respublikaları kólemindegi qızıǵıwshılar teatrları kórik-tańlawlarınıń laureatı hám diplomantı. Ministrlikler hám rayon hákimliginiń Húrmet jarlıqları menen sıylıqlanǵan.

Onıń oqıwshıları 2012-jıldan 2026-jıl aralıǵında Ózbekstan hám Qaraqalpaqstan kólemindegi tańlawlarda 1,2,3-orınlardı iyelep jeńımpaz boldı.