Qıdırniyazov Nawrızbay Qalıbaevich

Kópshiligimizge Ǵárip-ashıq dástanınan atqarılatuǵın Qaraqalpaq xalıq namasi Láy-láy qosıǵı menen tanılǵan jas baqsı Nawriz Qıdırniyazov 1992-jıl 24-mart sánesinde Taxtakópir rayonı Dawqara awılında muǵallimler shańaraǵında tuwıladı. Ruwi: Muytennin’ telisi Dayi jurti: Bessari Ákesi Qalıbay Xojaniyazov 1990-jılı Japaq Shamuratov atındaǵı Nókis Mámleketlik kórkem-óner bilim jurtı Akadem vokal boliminde belgili ustaz Maxset Xojaniyazov klasın oqıp tamamlap, Taxtakopir rayonı №12-sanlı mekteptiń muzika páni oqıtıwshısı bolıp jumis islep baslaydı.   Baqsıshıliq tarawına kirip keliwindede birinshi ustazı ákesi bolıp esaplanadı.  Anasi Shimbergenova Kalbiyke Qosmirza qizi 1989-jildan baslap 2014-jilg’a shekem 25 jil dawaminda Taxtako’pir rayoni Dawqara APJ 12-sanli orta bilim beriw mektebinde o’zbek tili mug’allimi bolip jumis islegen. Jas a’wladti ta’rbiyalawda ayanbay miynet islegen ko’rnekli ustaz bolg’an.  Balalıq   dáwirinen-aq baqsi bolıwdi arzıw etken Nawrizdıń qızıǵıwshılıǵı 1999-2008-jıllar aralıǵında mektepti tabıslı tamamlaǵannan keyin Japaq Shamuratov atındaǵı Nókis mádeniyat hám kórkem-óner kolledjine jetekleydi. Saz dúzelmey sóz dúzelmes degenindey ol jerde sazendeshilik jónelisinde ustazı Maxset Aeekeev hám baqsıshıliq jónelisinde doslıq ordeni iyesi, baqsı Oralbay Otambetovtan tálim aladı. Oqıp júrgen jılları yaǵnıy 2011-jılı Qaraqalpaqstan Respublikasında bolıp ótken “Dástan atqarıwshı jıraw, baqsı”, “Dásme-dás aytısıwshı baqsılar” hám sazendelerdiń juwmaqlawshı basqıshında “Baqsılar arasında dásme-dás aytıs” baǵdarı boyınsha sıylı II orındi iyeleydi. Bul tańlaw Qaraqalpaqstan telekanalında jarıtıp barılıwı jas baqsı ushın ashılǵan imkaniyatlar esiginiń eń dáslepkileri bolıp sanaldı. Sol jılı kolledjdi tabıslı tamamlaǵannan soń Berdaq atındaǵı Qaraqalpaq Mámleketlik Universiteti pedagogika fakulteti muzikalıq tálim baǵdarına oqıwǵa túsedi. Ol jerde el ardaǵındaǵı ullı ustazlardan Qurbanbay Zaretdinov, Gulmaryam Kamalova, Tolibek Xojanazarov, Artiqbay Erejepovlardan tálim aladı. Bilim jurtin ag’la ha’m ziyrek talabalar qatarinda pitkerip shiqqan Nawriz endi o’zinin’ miynet jolin baslawg’a bel baylaydi ha’m ustazlarina ha’wes etip, jaqsi ustaz boliwdi niyet etedi. 2015- jili avgust ayinda Xojeli rayoni 5-sanli Balalar muzika ha’m ko’rkem o’ner mektebine Baqsishiliq bo’limi ustazi bolip o’z miynet jolin baslaydi. Ol o’z iskerligi dawaminda o’zinin’ talapshanlig’i, oqiwshilarg’a bilim beriwde jaliqpaslig’i, miynetsu’ygishligi menen o’z ka’siplesleri arasinda o’z ornina iye ustaz bolip ajiralip turdi. Birqansha sha’kirtleri ko’plegen tan’lawlarda siyli orinlardi iyelep ustazi ha’m de pu’tkil mektep ja’ma’a’tin quwanishqa bo’ledi. Olardan Tilepbaev Azamat Kamalak yulduzlari Respublikaliq tan’lawinda 1-orindi, Islamov Yusip, M Qori Yoqubov atindag’i Respublikaliq tan’lawdin’ Qaraqalpaqstan Respublikasi basqishinda 3-orindi, Bazarbaeva Sayyora M QoriYoqubov atinag’i Respublikaliq tan’lawdin’ Qaraqalpaqstan Respublikaliq basqishinda  3-orindi, Sharibaev Kamalatdin Kamalak Yulduzlari Respublikaliq tan’lawinda sazendeshilik boyinsha 2-orindi, Saliev Temur San’at g’unchalari Respublikaliq tan’lawinin’ Qaraqalpaqstan Respublikaliq basqishinda sazendeshilik boyinsha 3-orinlardi alwg’a eristi. shakirti Awezimbetova Nurjahan No’kis mamleketlik pedagogikaliq institutin pitkerip Xojeli rayoninda uliwma bilim beriw mektebinde muzika pa’ni mug’allimi bolip jumis alip barmaqta. Bazarbaeva Sayyora ha’m Erejepov Azamat Nokis mamleketlik pedagogikaliq instituti talabasi, Tilepbaev Azamat ha’m Qayipnazarov Begzat shakirtleri No’kis qaniygelestirilgen muzika ha’m ko’rkem o’ner mektebinde oqip bilim almaqta. Sha’kirtlerinin’ bunday jetiskenlikleri Nawrizdin’ o’mirindegi en’ quwanishli ha’m zawiqli ma’writleri boldi. Onin’ Sho’lkemlestiriwshilik ha’m basqariwshiliq qabileti de ha’r bir bayram ha’m ta’dbirlerde ayqin ko’zge taslanadi. Ol sholkemlestirgen ha’r qanday ta’dbir, ol bayram bolsin, ya ko’rik tan’law bolsin ju’da’ qiziqli ha’m o’zgeshe zawiqli o’ter edi. Baqsishiliq talanti menen birge, usinday baqsariwshiliq talanti menen de ka’sipleslerinin’ hu’rmetine erisken Nawriz 2022-jil sentyabr ayinan baslap 5-sanli Balalar muzika ha’m ko’rkem o’ner mektebi oqiw isleri boyinsha direktor orinbasari bolip o’z iskerligin baslaydi. Bul lawazimda da o’zinin’ pidakerligi, miynetsuygishligi ha’m ka’sipleslerinen ha’miyshe ja’rdemin ayamaytug’in, u’lgi bolarliqtay iskerligi menen o’z minnetlerin joqari da’rejede atqarip kelmekte.  Nawriz shan’araqta tung’ish perzent bolip bir qarindasi bar. Ol Kidirniyazova Hu’rzada Kalibaevna 1993-jili 7-noyabrde Taxtako’pir rayoninda tuwilg’an.  Ol jaslayinan medicina tarawina qiziqqan ha’m No’kis medicina kollejin tamamlag’an. To’rtkul rayonina turmisqa shig’ip, hazirgi ku’nde To’rtkul medicina birlespesinde miyirbiyke bolip islemekte.   2019-jili Aytbaeva Ulmeken degen qiz benen shan’araq ko’tergen. Ulmeken de ko’rkem o’ner tarawi xizmetkeri bolip, No’kis ma’deniyat ha’m ko’rkem o’ner kollejin Xoreografiya klassi boyinsha tamamlag’an ha’m onnan keyin No’kis mamleketlik pedagogikaliq instituti Pedagogika fakulteti Muzikaliq talim  qaniygeligin tamamlag’an. Ha’zirgi ku’nde ol da 5-sanli Balalar muzika ha’m ko’rkem o’ner mektebinde Xoreografiya bo’liminde oqitiwshi bolip islep, Nawriz benen shan’araqtin’ qos arisin birge tartip kelmekte. Eki perzenti bar. Tung’ishi Begzada atli qiz, onnan keyin Muhammedaliy isimli uli bar.